Ambasadori i ri i Gjermanisë iu prezantohet me një video kosovarëve: Mezi pres t’ju njoh

15:40 | 15 Tetor 2025
E.G

Ambasada e Gjermanisë ka prezantuar Ambasadorin e ri në Kosovë, Rainer Rudolph, që pason ish-ambasadorin Jorn Rohde.

Përmes një video të shkurtër të realizuar nëpër Prishtinë, Rudolph ka thënë se do të mbështes integrimin ndërkombëtar të Kosovës, në veçanti drejt Bashkimit Evropian.

“Për ne gjermanët, Kosova është një mike e mirë dhe një partnere e rëndësishme. Dhe ne kemi qenë krenarë që e kemi mbështetur si një shtet të pavarur dhe sovran për një kohë të gjatë. Unë dua të mbështes integrimin ndërkombëtar të Kosovës, në veçanti rrugën e saj drejt Bashkimit Evropian. Dhe mbi të gjitha, pres me padurim t’ju njoh të gjithëve juve e këtë vend të bukur dhe ushqimin e tij të mrekullueshëm”, ka thënë Rudolph./Arbresh.info/